السلام عليكم و رحمة الله و بركاته
اقدم لكم اليوم هذه النكت
1-زرافة وفيل واسد و فار وثعلب و ارنب ماشيين فى الغابة وقعوا كلهم فى حفرة الا الزرافة قالولها:هاتى لنا حبل قالتلهم :مفيش قالولها:احنا جعانين و عايزين ناكل قالتلهم:معرفش اجيب لكم اكل قالولها:والعمل؟ قالتلهم:كلوا اضعفكم قام الفار نط مفزوع و قالهم:اللى حيقرب من الاسد هيعرف شغله
2-مرة فار مسطول بيقول القطط كلها تحت جذمتى لقى وراه قط اسود قال الا ابو سمرة حبيبى
3-مرة اتنين اغبية ماشيين فى الصحرا طلع عليهم اسد واحد رمى عليه طوبه وقعد يجرى و بص وراه لقى صاحبه واقف ما بيجريش قاله مابتجريش ليه؟قاله و اجرى ليه هو انا اللى ضربته
4-مرة عيل صغير بيسال مامته :ماما هو انا جيت ازاى؟
قالتله:انا حطيت شوية سكر تحت السجادة جيت تانى يوم لقيتك فالولد راح حط سكر تحت السجادة جه تانى يوم لقى صرصار قاله:بس لو مكنتش ابنى كنت ضربتك بالشبشب
5-عملوا مسابقة لتعجيز الكمبيوتر كل ما حد يساله سؤال يجاوب فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق و طلع دخان فقالوله:سؤالك كان ايه؟فقال بلدياتنا:جلت له ابو جردان جبل ما يخلف جردان كان اسمه ايه؟
6-جماعة بيحششوا فجت كبسة كل واحد استخبه فى شوال جه الضابط ضرب الشوال الاول برجله خرج واحد منهم و اعد يكاكى و عامل نفسه فرخه وضرب الثانى فخرج و اعد يدن و عامل نفسه ديك ضرب الثالث مخرجش ضربه تانى مخرجش ضربه جامد المرة دى خرج وقاله شوال بطاطس بطاااااااااااااااااااطس انت ما بتفهمش
7-سكران ماسك الفرخة بتاعته و عمال يضرب فيها و يقولها كل يوم بيض بيض مفيش جبنة
8-مرة واحد حشاش لما قبض المرتب راح البيت و قعد يقسمه100جنيه ايجار و 100جنيه مصروف البيت و200 جنيه حشيش و فجاة و هو قاعد سمع خبط على الباب فقال مين رد عليه اللى بره قالوله بوليس فراح مقطع ال200 جنيه حشيش
9-واحد مسطول بيقول لصاحبه مش عارف يا اخى عود الكبريت ده ما بيولعش ليه مع انه لسه مولع من شوية
10-محشش يسال محشش تتوقع الجمعة يوافق اخر الشهر؟رد عليه: لو ضغطنا عليه يمكن يوافق
11-واحد ندل فتح مصنع بيبسى كتب على كل علبة رج جيدا قبل الفتح
12-مرة واحد مسطول ماشى مع حبيبته فى نص الليل فشافت ابوها فقالت :يالهوى بابا بابا فقالها :ما تخافيش قوليلوا اننا اخوكى
13-اتنين مساطيل اتخانقوا الحشيش يخلى الواحد يشوف التانى اتنين و لا تلاتة راحوا للمعلم يسالوه قالهم ده حسب الصنف وانتوا بأه جايين انتوا السبعة تسالونى
14-مرة اتنين حبيبه ماشيين مع بعض فالبنت بتقول لحبيبها قولى كلمة توقف قلبى قالها اخوكى وراكى
15-واحدة عندها 3 بنات حبت تختبر ازواجهم بيحبوها ولا لأ خدت الاول و راحت على البحر و نزلت وغرقت نفسها قام الاول انقذها تانى يوم جاتله عربية جيب مكتوب عليها هدية من حماتك خدت التانى وعملت معاه نفس الموضوع برده انقذها تانى يوم جاتله عربية جيب مكتوب عليها هدية من حماتك جابت التالت وعملت معاه نفس الموضوع فسابها تغرق تانى يوم جاتله عربية مرسيدس مكتوب عليها هدية من حماك
16-واحد ندل راح المقابر و شغل اغنية الحياة حلوة
17-مرة مجموعة صيادين رايحين يصطادو وكان معاهم كلابهم عشان لما يضربوا الفريسة بالنار الكلاب تجرى تجيبهاما عدا كلب واحد كان بيخاف من صوت الرصاص فقالو لصاحبه ياخده فى الافراح اللى بيحصل فيها ضرب نار عشان يتعود على صوت الرصاص فاخده صاحبه فى الافراح لمدة شهر و رجعوا يصطادو و اول ما ضربوا الرصاص الكلب اعد يزغرط
18-واحد غبى عنده ارق و مش عارف ينام صاحبه قاله عندى لك طريقة للنوم مؤكدة عد من واحد لخمسمية اخونا مكدبش خبر واول ما الدنيا ليلت راح للسرير و بدأ يعد و لما وصل الى مية تسعة و تسعين كبس عليه النوم قام جرى غسل وشه و رجع للسرير يكمل العد
19-واحد بخيل قال لاولاده لو نجحتوا هاوريكوا عربية الايس كريم
20-سالو واحد بخيل طحن :تعمل ايه لو الدنيا بردت؟
قال:اروح جنب الدفاية قالواله:طب لو بردت اكتر؟قال:اقرب من الدفاية قالواله:طب لو نزل تلج؟قال:اشغل الدفاية و امرى الى الله
ارجو ان تنال النكت اعجابكم و انتظر ردودكم الجميلة
الأربعاء ديسمبر 24, 2008 7:12 pm
