بسم الله الرحمن الرحيم
انا جربت طرق كثيره للكشري وهذي افضل واطعم طريقه.
المكونات:
كاس رز امريكي
نص كاس عدس وتقريبا نفس الكميه مكرونه وانا احب انوع في شكلها يعني احط شوي اسباقيتي والباقي اشكله من الموجود
خل ابيض
2 او 3 بصل كبير مقلي
ربع اصبع زبده
2طماطم كبيره وبصله وسط و3 فصوص ثوم
علبه صلصه السعوديه
فلفل اخضر حار او كاري
رشة هيل مطحون وفلفل اسود وملح
قرفه وقرنفل صحيحه
الطريقه:
طبعا تسلقي الارز مع مويه وملح وملعقه صغيره خل وبعا تخليه نثري
وتسلقي العدس والمكرونه بنفس طريقة الارز مع ملاحظة تقليب العدس وعدم طبخه لحد ما ينهري لا كمان خليه نثري
الصلصه:
حطي في الخلاط الاغراض المكتوبه بالاحمرواطحنيها مزبوووووط
وحطي في القدر الزبده مع ملعقه زيت والبهارات الصحيحه
بعدين اضيفي الخلطه وانتبهي من الزيت
اتركيه يتسبك ولما تطفي النار حطي 2 م.ك خل وذوقي الملح
خذي صحن التقديم
حطي الارز ثم العدس ثم المكرونه واذا تبغيه اطعم رشي على كل طبقه شويه من زيت قلي البصل<<<ممكن تستغني عن هذي الخطوه
بعدين اضيفي البصل وعشان ما يذبل لا تحطي الصلصه على الوجه خليها في صواني صغيره افضل
واذا اولادك ما يحبوا البصل مثل اولادي حتى البصل خليه على جنب
والفلفل ممكن ما تحطيه في الخلاط <<<عشان الاطفال
عادي كملي الصلصه بدون فلفل وبعد ما تستوي شيلي شوي لاولادك وباقي الصلصه رجيعها الخلاط مع الفلفل واخلطيها..
وبالهنا والعافيه..
الثلاثاء يناير 13, 2009 7:46 pm
